ဘဝခက်ခဲသည်ဖြစ်စေ၊ အဆင်ပြေသည်ဖြစ်စေ

၁၉၈၆ ခုနှစ်၊ဇန်နဝါရီလ(၂၈)ရက်နေ့တွင် အမေရိကန်အာကာသယာဉ်ချဲလင့်ဂျာ (Challenger)သည်လွှတ်တင်ပြီးပြီးချင်း ၇၃ စက္ကန့်အကြာတွင် တစ်စစီပေါက်ကွဲ ပျက်ကျသွားခဲ့သည်။ တိုင်းသူပြည်သားများအားပြောသော နှစ်သိမ့်စကားတွင် သမ္မတရော်နယ်ရေဂင် (Ronald Reagan)က ဒုတိယကမ္ဘာစစ်အတွင်းက လေသူရဲ John Gillespie Magee ရေးသားသည့် "High Flight - အမြင့် ပျံသန်းခြင်း"ကဗျာမှ "မည်သူမျှ ဖြတ်သန်းဝင်ရောက်ဖူးခြင်းမရှိသေးသော သန့်ရှင်းမြင့်မြတ်ရာ အာကာသ နယ်ပယ်" နှင့် "ဘုရားသခင်၏ မျက်နှာတော်ကို တို့ထိရန် သူ့လက်ကို ဆန့်ထုတ်မိ"ခြင်း စသည့် စာသားများကို ကိုးကား ဖော်ပြခဲ့သည်။

ဘုရားသခင်၏မျက်နှာတော်ကို ကျွန်မတို့တကယ်မထိတွေ့နိုင်သော်လည်း အံ့သြမှင်သက်ဖွယ် နေဝင်ချိန်အလှ (သို့) သဘာဝတရားရှိ ငြိမ်းချမ်းဆိတ်ငြိမ် သောနေရာတစ်ခုအားဖြင့် ဘုရားသခင် ကျွန်မတို့အနီးအနားတွင်ရှိကြောင်း ခံစားမှုကို ကျွန်မတို့ တစ်ခါတစ်ရံ တွေ့ကြုံခံစားရတတ်ပါသည်။ အဆိုပါ အချိန် အခိုက်အတန့်ကို "ကန့်သတ်ချက်များကျဉ်းမြောင်းလာသည့် ငြိမ်းချမ်းရာ နေရာများ" ဟု…

မေတ္တာဖြင့် ဆုံးမခြင်း

ကျွန်မ၏ဖခင်သည် အနှစ် ၅၀ ကျော်ထိ စာတည်းဖြတ်ခြင်းလုပ်ငန်းကို ထူးချွန်စွာ လုပ်ကိုင်ခဲ့သည်။ သူ၏စိတ်အားထက်သန်မှုသည် အမှားရှာရန်သာ မဟုတ်ဘဲ ပိုရှင်းလင်းရန်၊ ယုတ္တိရှိရန်၊ အံဝင်ဂွင်ကျရှိရန်နှင့် သဒ္ဒါမှန်ကန်အောင် လုပ်ဆောင် ရန် ဖြစ်သည်။ အဖေသည် အမှားပြင်ဆင်ရန်အတွက် မင်အနီရောင်အစား အစိမ်း ရောင်ကို သုံးသည်။ အစိမ်းရောင်ဘောပင်သည် ပို၍ရင်းနှီးမှုရှိကြောင်းသူခံစား ရပြီး အနီရောင်မျဉ်းစောင်းများသည် အတွေ့အကြုံမရှိသေးသော စာရေးဆရာ အသစ်အတွက် စိတ်အနှောင့်အယှက်ဖြစ်စေနိုင်သည်။ သူ့ရည်ရွယ်ချက်မှာ ပိုမိုကောင်းမွန်သောနည်းလမ်းကို ညင်ညင်သာသာထောက်ပြရန် ဖြစ်သည်။

သခင်ယေရှုသည် လူတို့အား အမှားပြင်ဆင်ပေးသောအခါ၌ မေတ္တာဖြင့် လုပ်ဆောင်ခဲ့သည်။ သူတော်ကောင်းယောင်ဆောင်သောဖာရိရှဲများနှင့် ထိပ်တိုက် ရင်ဆိုင်ရချိန် စသည့်အခြေအနေအချို့တွင် (မ ၂၃) သူတို့ကို ပြင်းထန်စွာ ဆံုးမခဲ့ သော်လည်း ၎င်းသည် သူတို့၏အကျိုးအတွက်သာဖြစ်သည်။ သို့သော် သူ့မိတ်ဆွေ မာသအတွက်မူ ညင်သာစွာ ထောက်ပြမှုသာ လိုအပ်သည် (လု ၁၀:၃၈-၄၂)။…

ယုံကြည်ခြင်းအတွက် ရင်းနှီးမြှုပ်နှံမှု

သူ၏ ၁၂ ကြိမ်မြောက် ခရစ်စမတ်နေ့တွင် သူငယ်လေးသည် လက်ဆောင်များကိုဖွင့်ရန် စိတ်အားထက်သန်စွာ စောင့်နေခဲ့သည်။ သူလိုချင်သည်က စက်ဘီး အသစ်။ သို့သော် သူရရှိခဲ့သောလက်ဆောင်မှာ အဘိဓာန်စာအုပ်ဖြစ်နေ၍ သူစိတ်ပျက်ဝမ်းနည်းခဲ့သည်။ ပထမဆုံးစာမျက်နှာတွင် “ချားလ်စ်အတွက်၊ ကျောင်း၌ အကောင်းဆုံးကြိုးစားအားထုတ်နိုင်မည်ဟု မြင့်မားသောမျှော်လင့်ခြင်းနှင့် ချစ်ခြင်းများဖြင့် - မှ - ဖေဖေနှင့်မေမေ၊ ၁၉၅၈ ခုနှစ်” ဟူ၍ ရေးထားသည်။

ဆယ်စုနှစ်တစ်ခုကြာပြီးနောက် ချားလ်စ်သည် ပညာရေး၌ ထူးချွန်ခဲ့သည်။ သူသည် ကောလိပ်မှဘွဲ့ရပြီး လေကြောင်းအတတ်ပညာသင်တန်းကိုလည်း ပြီးမြောက်ခဲ့သည်။ သူသည် လေယာဉ်မှူးအဖြစ် နိုင်ငံရပ်ခြား၌ သွားရောက် လုပ်ကိုင်လျက် သူ၏ပြင်းပြသည့်ဆန္ဒအတိုင်း အကူအညီလိုအပ်သူများကို ကူညီ ရင်း သူတို့အား ခရစ်တော်အကြောင်းကို မျှဝေခဲ့သည်။ လက်ဆောင်ရခဲ့ ပြီးနောက် အနှစ် ၆၀ အကြာ ယခုအချိန်တွင် သူသည် ဟောင်းနွမ်းနေပြီ ဖြစ်သောအဘိဓာန်ကို မြေးများအားပြပြီး သူ့ဇာတ်လမ်းကိုပြောပြသည်။…

သေးငယ်သောငါး

လွန်ခဲ့သောနှစ်ပေါင်းများစွာက အနောက်အာဖရိက၌ နေထိုင်သော ဗြိတိသျှလူမျိုး ဇနီးမောင်နှံတို့သည် သူတို့မြို့၌ နေထိုင်သူတစ်ဦးနှင့် ခိုင်မာသောရင်းနှီးမှုရှိခဲ့ပြီး သခင်ယေရှု၏ချစ်ခြင်းမေတ္တာနှင့် ကယ်တင်ခြင်းတရားကို သူ့အား ဝေမျှ ပြောပြ ခဲ့သည်။ သို့သော် ခရစ်တော်၌ယုံကြည်ခြင်းသည် သာ၍ကြီးမြတ်သော အမှန်တရားဖြစ်ကြောင်းကို ထိုမိတ်ဆွေသိသော်လည်း အခြားဘာသာအတွက် သူတစ်သက်လုံးသစ္စာရှိခဲ့သည့်ဘာသာကို စွန့်လွှတ်ရန် တွန့်ဆုတ်ခဲ့သည်။ သူ၏စိုးရိမ်မှုတစ်စိတ်တစ်ပိုင်းမှာ ငွေကြေးကြောင့်ဖြစ်သည်။ အဘယ်ကြောင့်ဆိုသော် သူသည် သူ၏ဘာသာရေးတွင် ခေါင်းဆောင်တ‌‌စ်ဦးဖြစ်ပြီး ရရှိသည့်ဝင်ငွေ အပေါ်တွင် သူမှီခိုနေရသည်။ ထို့ပြင် သူသည် သူ၏ရပ်ရွာအသိုင်းအဝန်းတွင် သူ၏ဂုဏ်သိက္ခာဆုံးရှုံး မည်ကိုလည်း ကြောက်ရွံ့နေခဲ့သည်။

၀မ်းနည်းစွာဖြင့် သူက “ကျွန်တော်ဟာ စမ်းချောင်းထဲမှာ လက်နဲ့ငါးဖမ်း နေတဲ့လူလိုပဲ။ လက်ထဲမှာ ငါးသေးသေးလေးတစ်ကောင် ဖမ်းမိထားတယ်။ ဒါပေမဲ့ ငါးကြီးတစ်ကောင်က ဖြတ်ကူးသွားတော့ ငါးကြီးကိုဖမ်းဖို့အတွက် ပိုသေးတဲ့ငါးလေးကို ကျွန်တော်လက်လွှတ်လိုက်ရတယ်”ဟု သူရှင်းပြခဲ့သည်။

ရှင်မဿဲရေးသားသည့် မဿဲ ၁၉ မှ ချမ်းသာသောလူရွယ်တစ်ဉီး၌လည်း အလားတူပြသနာရှိခဲ့သည်။…

မဆုတ်မနစ်သောမေတ္တာ

ဟေးဒီ နှင့် ဂျက်(ဖ်)တို့သည် ပူအိုက်သောရာသီဥတုရှိသော နိုင်ငံရပ်ခြားတွင် အလုပ်တာဝန်ပြီး၍ မိသားစုရှိရာ ဇာတိ အမေရိကနိုင်ငံ၊ မီချီဂန် ပြည်နယ်သို့ ပြန်လာအခြေချချိန်တွင် ဆောင်းဝင်စအချိန်ဖြစ်သည်။ ၎င်း၏ ကလေး ၁၀ ယောက်အဖို့ နှင်း၏သဘာဝအလှကို ပထမဆံုးမြင်ဖူးခြင်း ဖြစ်ကောင်းဖြစ်လိမ့်မည်။

သို့သော် မီချီဂန်၏ဆောင်းရာသီတွင် ကုတ်အင်္ကျီ၊ လက်အိတ်၊ ဘွတ်ဖိနပ် စသည့် နွေးထွေးသောအဝတ်အထည်များ ဝတ်ဆင်ရန် လိုအပ်သည်။ အိမ်သားများသောမိသားစုအဖို့ အအေးပြင်းထန်သောဆောင်းကို အံတုရန်အတွက် လိုအပ်သောအဝတ်အစားများ ဝယ်ယူရန် ကုန်ကျစရိတ်များပေမည်။ သို့သော် ဘုရားရှင်ထောက်ပံ့ပေးခဲ့သည်။ ပထမဆုံး အိမ်နီးချင်းတစ်ဦးက ဖိနပ်၊ ဘောင်းဘီ၊ ဉီးထုပ်နှင့် လက်အိတ်များ တစ်ခုပြီးတစ်ခု ယူလာပေးသည်။ ထိုနောက် မိတ်ဆွေတစ်ဦးက ဘုရားကျောင်းမှလူများအား မိသားစုဝင် ၁၂ ဉီး လံုးအတွက် အနွေးထည်နှင့် အခြားအသံုးအဆောင်များကို ဆိုဒ် ၁၂ မျိုးနှင့် ကောက်ခံစုဆောင်းပေးရန် တိုက်တွန်းသည်။ ဆောင်းဝင်၍…

လူတို့ မေ့တတ်ကြသည်

တရားဒေသနာများကို ထပ်ခါတလဲလဲဟောပြောကြောင်း သတိထားမိသော အမျိုးသမီးက သူ့သင်းအုပ်ဆရာအား “ဘာလို့ အဲဒီလိုဟောရတာလဲ” ဟု မေးရာ ဆရာက “လူတွေက မေ့တတ်ကြလို့ပေါ့” ဟု ပြန်ဖြေခဲ့သည်။

အချိန်ကြာသွား၍၊ အသက်ကြီးသွား၍ (သို့) အလုပ်များလွန်း၍ စသဖြင့် မေ့ရသည့်အကြောင်းရင်းများစွာ ရှိပါသည်။ ကျွန်ုပ်တို့သည် စကားဝှက်၊ လူနာမည် (သို့) မည်သည့်နေရာ၌ ကားရပ်ထားသည်ကိုပင် မေ့တတ်ကြသည်။ ကျွန်မ၏ ခင်ပွန်းက “ငါ့ဦးနှောက်ထဲမှာ အများကြီးသိမ်းထားနိုင်တယ်။ အကြောင်းအရာ အသစ်တွေကို မမှတ်မိခင် အဟောင်းတွေကို အရင်ဖျက်ပစ်ရတယ်”ဟု ပြောသည်။

တရားဟောဆရာ၏စကားမှန်ပါသည်။ လူတို့သည် မေ့တတ်ကြ၏။ သို့ဖြစ်၍ ကျွန်ုပ်တို့အတွက် ဘုရားသခင်လုပ်ဆောင်ပေးခဲ့သည့်အရာများကို အမှတ်ရအောင် သတိပေးမည့်သူများ ရံဖန်ရံခါလိုအပ်သည်။ ဣသရေလလူတို့လည်း အလားတူ မေ့တတ်ကြ၏။ အံ့သြဖွယ်ရာများစွာကို မြင်တွေ့ခဲ့သည့်တိုင် ဘုရားရှင် သူတို့ကို ဂရုစိုက်ကြောင်းအမှတ်ရအောင် သတိပေးမှုလိုသည်။ တရားဟောရာကျမ်း ၈ ၌ဘုရားသခင်က ဣသရေလလူတို့ကို…

ခွန်အားသတ္တိနှင့်ပြည့်ဝသော

လူငယ်လေး ကာလက် သည် မျက်စိမှိတ်ထားစဥ် အမှောင်ထုသည် သူ့ကို ပိတ်လှောင်နေသကဲ့သို့ ညစဉ် သူခံစားရသည်။ ကော့စတာရီကာရှိ သူ၏ အခန်းသည် အလွန်တိတ်ဆိတ်သော်လည်း သစ်သားအိမ်ဖြစ်သည့်အတွက် တကျွိကျွိနှင့် အမြဲအသံမြည်သည်။ ထို့ပြင် ထပ်ခိုးပေါ်ရှိ လင်းနို့များက ပိုဆိုးသည်။ သူ့မိခင်က သူ့အခန်းထဲတွင် ညကြည့်မီးလုံးတစ်လုံး တပ်ဆင်ထားပေးသော်လည်း အမှောင်ထုကို ကြောက်ရွံ့ဆဲပင်ဖြစ်နေသည်။ တစ်ညတွင် သူ့ဖခင်က သူ၏ ခုတင်ခြေရင်းရှိ ပျဥ်ချပ်တွင် ကျမ်းပိုဒ်တစ်ပိုဒ်ကို ရေးလိုက်သည်။ ထိုကျမ်းပိုဒ်မှာ (ယောရှု ၁:၉) ဖြစ်သည်။ “အားယူ၍ရဲရင့်ခြင်းရှိလော့။ မကြောက်နှင့်၊ စိတ်မပျက်နှင့်။ သွားလေရာရာ၌ သင်၏ဘုရားသခင် ထာဝရဘုရားရှိသည်။” ကာလက်သည် ညစဉ် ထိုကျမ်းပိုဒ်ကိုရွတ်ပြီး ကောလိပ်ကျောင်းသို့သွားသည့်တိုင်အောင် ဘုရားရှင်၏ ကတိတော်ကျမ်းပိုဒ်ကို မဖျက်ဘဲ ပျဥ်ချပ်ပေါ်၌ ထိုအတိုင်းထားခဲ့သည်။

ယောရှုမှတ်စာအခန်းကြီး ၁ တွင် မောရှေသေဆုံးပြီးနောက် ယောရှုအား ခေါင်းဆောင်မှုတာဝန်ကို လွှဲပြောင်းသည်ကို ဖတ်ရှုရပါသည်။…

ခြေဦးတည့်ရာလျှောက်နေခြင်း

ဟာသစာရေးဆရာ Michael Yaconelli သည် နွားမွေးမြူရေးခြံ အနီးဝန်းကျင်၌ နေထိုင်ခဲ့သည့်အတွက် နွားများသည် တစ်နေရာရာသို့ ငေးကြည့်လျက်သားနှင့် ခြေဦးတည့်ရာလျှောက်သွားတတ်ကြောင်း သူသတိပြုမိသည်။ ၎င်းသည် ပိုစိမ်း လန်းသည့်စားကျက်ကိုရှာရင်း ရှေ့သို့ဆက်သွားနေသည်။ ခြံအဆုံးနား သစ်ပင် အောက်တွင် ပိုကောင်းပြီးလတ်ဆတ်သောမြက်များကို တွေ့ကောင်းတွေ့မည်။ သို့သော် ကျိုးပဲ့ပြုတ်ထွက်နေသော ခြံစည်းရိုးအကျော်ခြံပြင်တွင် အရသာ ကောင်းမွန်သော သစ်ရွက်ပုံရှိနေသည်။ ထိုအခါ ၎င်းသည် ခြံကိုကျော်ပြီး လမ်းမပေါ်ရောက်သွားကာ တဖြည်းဖြည်းနှင့် ခြံနှင့်ဝေးသည်ထက်ဝေးကာ လမ်းပျောက်သွားပါတော့သည်။

နွားများသာမဟုတ်၊ သိုးများလည်း လျှောက်သွားပြီး လမ်းပျောက်တတ်သည်။ ထိုသို့လမ်းချော်လမ်းလွှဲသွားနိုင်ခြေအရှိဆုံး လူသားများက အဆိုးဆုံးဖြစ်သည်။

ထို့ကြောင့် ကျမ်းစာထဲ၌ ဘုရားသခင်က ကျွန်ုပ်တို့ကို သိုးများနှင့် ခိုင်းနှိုင်း ထားခြင်းဖြစ်မည်။ မိုက်မဲသော အပေးအယူများနှင့် ရူးမိုက်သော ဆုံးဖြတ်ချက်များ အားဖြင့် ‌ကျွန်ုပ်တို့သည် ခြေဦးတည့်ရာမဲ့ကာ တဖြည်းဖြည်း လမ်းပျောက်သွားရန် လွယ်လှသည်။ နောက်ဆုံးသမ္မာတရားမှ မည်မျှဝေးသွားသည်ကို…

လက်လွတ်လိုက်ခြင်း

အိမ်စောင့်သူနာပြုက "အစ်မအဖေက အချိန်မရွေး ဆုံးသွားနိုင်တယ်"ဟုပြော သည်။ “Actively dying” ဟူသောစကားသည် သေဆုံးခြင်းဖြစ်စဉ်၏ နောက်ဆုံး ဖြစ်စဉ် ဖြစ်ပြီး ပြန်လမ်းမရှိသော တစ်လမ်းမောင်းလမ်းတွင် တစ်ယောက်တည်း ထူးဆန်းစွာ ခရီးနှင်နေရသလို ခံစားရစေပါသည်။ အဖေ့၏နောက်ဆုံးနေ့တွင် အဖေကြားမကြား မသေချာသော်လည်း ကျွန်မနှင့်ညီမလေးတို့သည် အဖေ့ကုတင် အနီးတွင် ထိုင်ကြသည်။ ခန့်ညားသောသူ့နဖူးပြောင်ပြောင်ကြီးကို နမ်းသည်။ ဘုရားရှင်၏ကတိတော်များကို သူကြားအောင် တိုးတိုးလေးရွတ်ပေးသည်။ “Great is Thy Faithfulness” သီချင်းကိုဆိုပြီး ဆာလံ ၂၃ ကို ရွတ်ကြသည်။ သူ့ကို ကျွန်မတို့ချစ်ကြောင်းနှင့် ဖခင်အဖြစ်ရပ်တည်ပေးခဲ့သောကြောင့် ကျေးဇူးတင် ကြောင်း ပြောကြသည်။ သူ၏နှလုံးသားသည် သခင်ယေရှုနှင့်အတူရှိနေလိုပြီဟု သိသောကြောင့် "အဖေသွားလို့ရပြီနော်"ဟုပြောလိုက်သည်။ လူတစ်ယောက်ကို လက်လွတ်လိုက်ချိန်တွင်ထိုစကားကိုပြောရခြင်းသည် ပထမအဆင့်အနာကျင်ဆုံး ဖြစ်သည်။ မိနစ်အနည်းငယ်အကြာတွင် အဖေသည် သူ၏ထာဝရအိမ်တော်သို့ ဝမ်းမြောက်စွာဖြင့် ကြိုဆိုပို့ဆောင်ခံရပါတော့သည်။

မိမိချစ်ရသောသူကို နောက်ဆုံးလက်လွတ်လိုက်ရခြင်းသည်…

မျက်နှာလိုက် ခွဲခြားခြင်း

ကျွန်မ၏ခဲအို ဂဲရစ် သည် မိုင် ၁၂၀၀ ဝေးသည့် ကော်လိုရာဒိုတောင်ပေါ်တွင် နေထိုင်သည်။ အနေဝေးသော်လည်း သူ၏ပျော်ပျော်နေတတ်ခြင်းနှင့် ကြင်နာသော စိတ်ထားလေးကြောင့် အားလုံးက ချစ်ရသောမိသားစုဝင်တစ်ဦး ဖြစ်သည်။ ကျွန်မမှတ်မိသလောက် ဂဲရစ်သည် သူ့မိခင်၏အသဲကျော်ဖြစ်ခြင်းနှင့်ပတ်သက်ပြီး မောင်နှမများက မနာလို ဝန်တိုမှု မရှိဘဲ ကျီစယ်ကြသည်။ လွန်ခဲ့သည့်နှစ်များက “ကျွန်တော်ဟာ မေမေ့ အသဲကျော်” စာတန်းပါသည့် တီရှပ်ကိုပင် မောင်နှမများက သူ့ကိုလက်ဆောင်ပေးကြသည်။ မောင်နှမများ၏ပေါကြောင်ကြောင်လုပ်ရပ်ကြောင့် ကျွန်မတို့အားလုံးဝမ်းမြောက်သော်လည်း စင်စစ် မျက်နှာလိုက်ခြင်းက အပြောင်အပျက်ကိစ္စ မဟုတ်ပါ။

ကမ္ဘာဦးကျမ်း ၃၇ ၌ ယောသပ်သည် တစ်မူထူးသောသူ၏သားဖြစ်ကြောင်း အခြား သားများကိုပြရန် ယာကုပ်သည် အဆင်းအရောင်ထူးခြားသည့်အင်္ကျီကို ယောသပ်အားပေးသည့်အကြောင်း ကျွန်ုပ်တို့ဖတ်ရသည်(:၃)။ ပြောစရာပင် မလို၊ “ယောသပ်ဟာ ကျုပ်ရဲ့အသဲကျော်လေးပါ”ဟု အင်္ကျီက ဟစ်ကြွေးနေသည်။

မိသားစုအတွင်း မျက်နှာလိုက်ခြင်းက ကြီးမားစွာထိခိုက်ပျက်စီးစေနိုင်သည်။ ယာကုပ်၏မိခင် ရေဗက္ကသည် သားကြီးဧသောထက်…